Haur gorreriaren detekzio goiztiarreko programa

Haur gorreria osasun arazo garrantzitsuetako bat da.

Gutxi gorabehera haur hipoakusien %80 jaiotzeko unean edo jaioberritan agertzen dira. OMEren arabera, intzidentzia 1/1000koa da, hipoakusia larri edo sakonei dagokienez. Espainiar estaturako ematen den intzidentzia estimatua 0,77koa da, 2,8/1000, hipoakusia moderatuak barne hartzen badira.

Jaioberriaren hipoakusiak (mintzoaurrekoa) efektu negatiboak ditu mintzamenaren garapenean eta ondorio larriak eragiten ditu pertsonaren garapen emozional eta sozialean.

Programaren hasiera

2003ko ekainaren 16an jarri zen martxan programa amatasun zerbitzua daukaten ospitale publiko eta zentro pribatu guztietan.

Helburua

Lehenbiziko hiru hilabeteetan gorreria detektatzea EAEan jaiotako edo bertara ekarritako jaioberri guztietan.

Metodoa

Bi teknika daude haur hipoakusiaren diagnostiko goiztiarra ahalbidetzen dutenak:

• Otoemisio akustikoak.
• Garun enborreko entzumen potentzial ebokatuen neurketa (GEEPE).

Programaren garapena

• 1. fasea.
  Norentzat: erkidegoan jaiotako jaioberri guztientzat, gurasoen jakinaren gaineko baimenarekin.
  Noiz: jaio ondorengo 28 orduetatik alta eman bitartean.
  Proba: otoemisio akustikoak.
• 2. fasea.
  Norentzat: jaioberri guztientzat, baldin lehenbiziko probaren emaitzan anomaliaren bat detektatu bada.
  Noiz: lehenbiziko proba egin denetik 15 egunera.
  Proba: otoemisio akustikoak.
  

  Lehen eta bigarren faseetarako erreferentziako ospitaleak EAEko amatasun-zerbitzua duten ospitale publiko eta pribatu guztiak dira.

• 3. fasea.
  Norentzat: jaioberri guztientzat, baldin bigarren probaren emaitzan anomaliaren bat detektatu bada.
  Noiz: bizitzako hirugarren hila bete baino lehen.
  Proba: otoemisio akustikoak eta/edo balorazio klinikoa erreferentziako ospitaleko ORL Zerbitzuan.
• 4. fasea.
  Norentzat: jaioberri guztientzat, baldin hirugarren probaren emaitzan anomaliaren bat detektatu bada.
  Noiz: bizitzako hirugarren hila bete baino lehen.
  Proba: GEEPE, Neurofisiologia Zerbitzuarekiko lankidetzan erreferentziako ospitalean.
  

  Hirugarren eta laugarren faseetarako erreferentziako ospitaleak Gurutzetako, Basurtuko, Txagorritxu eta Donostia Ospitaleak dira.

Jaitsi triptikoa PDF formatuan

• Haur gorreriaren detekzio goiztiarreko programaren triptikoa (pdf, 79 KB)